Фристайл-акробатикадан жас спортшыларымыз жарыс жолын аяқтады

ХХІІІ Қысқы Олимпиада ойындарының әйелдер арасындағы фристайлдың акробатика түрі бойынша іріктеу кезеңдері аяқталды. 
 

Аталған сында құрамадан Ақмаржан Қалмұрзаева, Маржан Ақжігіт, Жанбота Алдабергенова және Аяна Жолдас бақ сынаған еді.
Төрт отандасымыз да алғашқы іріктеу кезеңінде сәтсіз өнер көрсетіп, финалдық бәсекеге арналған жолдамаларға екінші іріктеу кезеңінен таласуға тырысты.
 

Бірінші іріктеу кезеңі:
12. Жанбота Алдабергенова (81.07 ұпай)
14. Маржан Ақжігіт (81.07 ұпай)
21. Ақмаржан Қалмұрзаева (58.58 ұпай)
23. Аяна Жолдас (51.01 ұпай)


Екінші іріктеу кезеңінде де жас спортшыларымыздың жолы болмады. Бұл сында Жанбота Алдабергеноваға финалдық бәсекеге жолдама беретін 6-ші орынға тұрақтау үшін сәл ғана ұпай жетіспеді. Жанботаның ұпай көрсеткіші - 85.36.
Екінші іріктеу кезеңі:
12. Маржан Ақжігіт (79.20 ұпай)
16. Ақмаржан Қалмұрзаева (58.58 ұпай)
18. Аяна Жолдас (57.98 ұпай)



Финалдық бәсекелер ертең сағат 17:00-де «Qazaqstan» Ұлттық телеарнасының тікелей эфирінде.