Пхенчхан-2018. Закурдаев пен Григорова жүлдеге таласа алмады
Ерлер арасында супергигант сынында бақ таластырған Закурдаев жарыс қорытындысы бойынша 41-ші орынды қанағат тұтты. Ол жалпы есепте жарыс жеңімпазы австриялық Маттиас Майерден +5.52 уақытқа қалып қойды. Жүлдегерлер қатарында Швейцария спортшысы Бет Феуз бен норвегиялық Хьетиль Янсруд бар.
Ал, әйелдер арасында ел намысын қорғаған отандасымыз Мария Григорова 51-ші орынға табан тіреді. Тау шаңғысының слалом сайысында алтын медальді швециялық Фрида Хансдоттер еншілесе, швейцариялық Венди Хольденер мен австриялық Катарина Галлхубер күміс және қолаға қол жеткізді.
