Михал Билек: Бүгін бірқатар ойыншыларға мүмкіндік беріледі
"Кипрдегі ойында көп тер төгуге тура келді. Сол себепті негізгі құрамда өзгерістер орын алуы мүмкін. Шотландияға қарсы ойында шыққан құрамды келесі ойынға шығарған едік, нәтижесін өздеріңіз білесіздер.
Ресей - өте жақсы команда. Олардың Шотландияға қарсы ойынын қарадық. Шабуылға мән беретін команда екенін бұрыннан білеміз. Қорғаныста сауатты ойнауымыз тиіс. Алайда бұл ойын бойы қорғанамыз дегенді білдірмейді. Өз мүмкіндіктерімізді жібермеуге тырысамыз",-деді Қазақстан құрамасының бас бапкері Михал Билек.
Қазақстан құрамасы Ресей құрамасына қарсы ойын алдында жаттығу өткізді. "Калиниград" алаңында өтетін кездесуді бүгін сағат 00:45-тен бастап тікелей эфирде тамашалай аласыздар.
Фото: ҚФФ
