Күрес түрлерінен әлем чемпионаты қарсаңында баспасөз мәслихаты өтті
14-22 қыркүйек аралығында елордада тұңғыш рет күрес түрлерінен әлем чемпионаты өтеді. Осыған орай бүгін «Барыс-Арена» спорт кешенінің баспасөз орталығында «QAZSPORT» телеарнасының ұйымдастыруымен баспасөз мәслихаты өтіп жатыр. Аталмыш телеарна - халықаралық және Қазақстан күрес федерациясының ұйғарымымен елордада өтетін әлемдік доданың бас хабар таратушысы, ал «Қазақстан» телерадиокорпорациясы негізгі ақпараттық серіктесі ретінде жұмыс істейді.
Ресми шараға ҚР грек-рим күресінің вице-президент Дәулет Тұрлыханов, ҚР еркін күрес федерациясының вице-президенті Ерлан Қожасбай, ҚР ҰОК спорттық дирекциясының директоры Елсияр Қанағатов және әйелдер күресінен вице-президенті Гюзель Манюрова, Грэпплинг Ассоциациясының президенті Қанат Алин, сондай-ақ, «QAZSPORT» телеарнасының директоры Павел Цыбулин қатысып, әлем чемпионатына және спортшыларға қатысты ойларын ортаға салды.
Баспасөз мәслихаты барысында жарыстың қалай өтетіндігіне тоқталып, телеарна жұмысына қатысты сұрақтарға жауап береді. б Сонымен қатар брифинг барысында ҚР ҰОК спорттық дирекциясының директоры Елсияр Қанағатов ұйымдастырушыларға, сондай-ақ, аталмыш әлемдік доданың негізгі ақпараттық серіктесі және бас хабар таратушысы "Қазақстан" телерадиокорпорациясы мен "QAZSPORT" ұжымына алғыс білдірді.
