Ертең "М-1 Challenge 105" халықаралық турнирі өтеді
Ертең елордада аралас жекпе-жектен "М-1 Challenge-105" халықаралық турнирі өтеді. Аталмыш жекпе-жек кешінде қос бірдей чемпиондық атақ үшін кездесулер өтеді.
Кештің басты бәсекесінде жеңіл салмақтағы М-1 чемпионы отандасымыз Сергей Морозов пен америкалық Джош Реттингхаус рейджке шығады. 2016 жылы екі спортшы айқасқа түсіп, америкалықтың жолы болды. 1-раундтың 5-ші минутында отандасымызды нокаутқа түсірген болатын. Жерлесіміз жергілікті жанкүйерлерінің алдында 3 жыл бұрын кеткен есесін қайтарады деп сенеміз.
M-1 Global тұжырымының уақытша чемпионы атағы үшін қазақ батыры Ассу Алмабаев тәжірибелі спортшы Крис Келадеспен сынға түседі. Арман Әшімов жарақатына байланысты бұл атақ үшін жұдырықтаса алмайды.
Бас қаладағы жекпе-жек бәсекесін "QAZSPORT" арнасынан сағат 16:00-ден бастап тікелей эфирде тамашалай аласыздар.
