FIFA-2018. Франция жасыл құрлық өкілдерін жеңіп, топта көш бастады
Мундиальдың басты фавориттерінің бірі Франция құрамасы «Казань Арена» стадионында жасыл құрлық өкілдері Австралия құрамасына қарсы Әлем чемпионатындағы алғашқы ойындарын өткізді.
Дидье Дешам бастаған франциялық жұлдызды жігіттер бас төреші уругвайлық Андрес Кунья ойынды бастауға рұқсат берген сәттен ойынды өз қолдарына алды. Шабуылдағы Гризманн, Мбаппе, Дембеле сынды ойыншылары бар француздар алғашқы таймда қарсылас қақпасына бірнеше жойқын соққы жасағанымен, дәлдік жетіспей жатты. Ойынның бірінші бөлігінде есеп ашылмай, ойыншылар үзіліске кетті.
Ойынның 57-ші минутында австралиялық қорғаушы Антуан Гризманнға қарсы өз айып алаңын ойын тәртібін бұзып, қақпасына пенальти әкелді. 11 метрлік соққыны Гризманн мүлтіксіз орындап есепті ашты. Дегенмен араға 2 минут салып дәл осындай мүмкіндікке қарсылас команда да ие болды. Стандартты жағдайда қорғаушы Самуэль Умтити қолмен ойнап, бас төреші Льюрис қақпасына пенальти белгіледі. Австралиялық капитан Йединак таблодағы есепті теңестірді.
Ойынның 81-ші минутында француз ойыншысы Поль Погба командаластарымен керемет комбинация жасап, ойынның соңғы нүктесін қойды. Есеп 2:1. Француздар «С» тобының көшін бастады.
Қорытынды есеп: Франция - Австралия 2:1
Голдар: Гризманн 58; Погба 81 - Йединак 61.
Ойындар кестесін жүктеу
Соңғы жаңалықтар
LIVELIVE LIVE
«QAZAQSTAN TV» мобильді қосымшасы
AppStore
Play Market
