FIFA – 2018. Хорватия Аргентинаны ірі есеппен жеңіп, плей-оффқа шықты

Футболдан Әлем чемпионатының кезекті күні сенсациясыз қалмады. Чемпионат басталмас алдында фаворит саналған аргентиналықтардың топтан шығу мүмкіндігіне күмән келуде.

Алғашқы тайм қос құраманың бір-бірін тактикалық бақылаумен өтті. Хорхе Самполи бастаған аргентиналықтар допты өз алаңдарында ұстап, хорват ойыншыларына өз футболын көрсетпек болды.

Алайда екінші тайм басталған тұста оңтүстік америкалық құраманың қақпашысы Вильфредо Кабайероның өрескел қателігін ұтымды пайдаланған Ребич есеп ашты. Хорват ойыншылары мұнымен тоқтап қалмады. Қорғаушылар Лионель Мессиді тұсап ұстаса, шабуылшылар жылдам ойынға көшті. Осындай сәттердің бірінде Лука Модрич алыстан соққы бағыттап, есепті еселей түсті.

Ал, төреші қосқан қосымша уақытта Ракитичтың соққан голы аргентиналықтарға ірі жеңіліс әкелді.

Осылайша хорватиялықтар топтан бірінші орынмен шығу құқығына ие болса, аргентиналықтардың жағдайы ауырлай түсті.

Ойындар кестесін жүктеу      
Соңғы жаңалықтар
LIVELIVE LIVE
«QAZAQSTAN TV» мобильді қосымшасы
AppStore
Play Market