Ғалымжан Есенов IMMAF-WMMAA директорлар кеңесінің құрамына кірді
Бүгін IMMAF-WMMAA бас ассамблеясында жаңа директорлар кеңесі сайланды. Бахрейндегі аралас жекпе-жектен әлем чемпионатымен тұспа-тұс келген ресми шараға Аралас жекпе-жектен біріккен Қазақстан ММА федерациясының президенті Ғалымжан Есенов қатысып, жаңа директорлар кеңесінің құрамына кірді.
IMMAF пен WMMAA өзара жеке ұйым болып 2012 жылы құрылды. IMMAF Август Валленнің бастамасымен Швеция астанасы Стокгольмде құрылды. Екінші ұйымның негізін ресейлік Вадим Финкельштейн қалады.
2018 жылы қос ұйым бірігіп, қарқынды жұмыс істей бастады.
