Хоккей. «Барыс» бүгін Мәскеудің «Динамосымен» кездеседі
Бүгін Құрлықтық хоккей лигасы аясында «Барыс» өз алаңында Мәскеудің «Динамосын» қабылдайды.
Бұған дейін астаналық «Барыс» Подольскінін «Витязь» командасын ұтып, 12 ойынның 10- да жеңіске жетіп, 29 ұпаймен ҚХЛ-дың Шығыс конференциясында көш бастады. Бүгінгі қарсыласы мәскеулік «Динамо», Гагарин кубогының иегері соңғы ойынында Омбының «Авангардын» 6-0 есебімен жеңіп, Батыс конференциясында 31 ұпаймен екінші сатыда тұрақтады.
Естеріңізге сала кетейік, «Барыс»-«Динамо» кездесуі бүгін, 10 қазан, кешкі сагат 19 00-де «Қазақстан» спорт кешенінде өтеді. KAZsport арнасы ойынды тікелей эфирде көрсетеді.
