«Барыс» сырт алаңда «Слованмен» кездеседі
Бүгін Астана қаласының «Барыс» хоккей клубы сырт алаңда «Слован» (Словакия, Братислава) командасымен кездеседі.
Соңғы екі ойында да астаналық команда өз қарсыластарына жол берген болатын. Бірінші матчта Риганың «Динамосына» 2:3 есебімен ұтылса, екінші ойында мәскеулік «ЦСКА» командасынан 0:3 есебімен жеңілді.
Соған қарамастан, Құрлықтық хоккей лигасының жалпытурнирлік кестесінде «Барыс» үшінші орнын сақтап келеді. Команда еншісінде барлығы 53 ұпай бар. Ал «Слован» 28 ұпаймен 23-ші орында.
Айта кетейік, бүгінгі ойын Астана уақыты бойынша сағат 22:00-де басталады. Ойынды «KAZsport» телеарнасы тікелей эфирде көрсетеді.
