«Қазцинк-Торпедо» жанкүйерлерін қуантты
Тартысты өткен ойында «Қазцинк-Торпедо» «ХК Рязаньды» 5:4 есебімен ұтты. Ойын барысында қонақтар екі рет таразы басын теңестіргенімен, ойынның 47 минутында Константин Савенков соққан шайбадан кейін жауап қайтара алмады.
Бұл ойында Константин Савенков пен Евгений Рымарев екі мәрте көзге түсті. Тағы бір шайбаны Виталий Меньшиков салды.
Бұл жеңістен кейін «Қазцинк-Торпедо» 43 ұпаймен турнир кестесінде екінші сатыға көтерілді. Енді «Казцинк-Торпедо» 21қарашада Балаших қаласында жергілікті «Динамо» командасымен кездеседі.
