Букмекерлер «Барыс» ригалық «Динамодан» есе қайтарады деген сенімде

Бүгін, 22 қараша күні астаналық «Барыс» өз айдынында ҚХЛ ойындары аясында ригалық «Динамо» клубын қабылдайды.
 
Астаналық клуб ҚХЛ-дың  «Шығыс» конференциясында 27 ойында 58 ұпаймен екінші сатыда тұр. Ригалықтар «Батыс» конференцияда 27 ойыннан 55 ұпай еншілеп үшінші орында.
 
Букмекерлер бұл кездесуде «Барыс» 3:2 есебімен қарсыласынан басым түседі деп болжам жасап отыр.
 
Естеріңізде болса, 13 қарашада Ригада өткен кездесуде «Барыс» буллиттер сериясында 3:2 есебімен «Динамоға» жол берген болатын.
 
«Барыс» осы кездесумен өз алаңындағы ойындар сериясын бастайды. Бұған дейін астаналық хоккейшілер сырт алаңда 4 ойын өткізіп, оның екеуінде жеңіске жетті. Балтық жағалауынан келген хоккейшілер өз алаңдарында өткізген 4 ойынның бәрінде басымдылық танытқан.
 
Айта кетейік, «Барыс»  - «Динамо» ойынын «KAZsport» телеарнасы 18:50-де тікелей эфирде көрсетеді.