Қазақстан сапынан үш боксшы шаршы алаңға шығады
Иорданияның Амман қаласында бокстан Азия/Океания аймақтық іріктеу турнирінің кезекті жарыс күні басталады.
Нұр-Сұлтан уақытымен 15:00-де басталатын күндізгі сессияда екі боксшымыз жұдырықтасады.
63 келідегі Зәкір Сафиуллин қытайлық Жанг Шанмен кездессе, 81 келідегі Бекзад Нұрдәулетов Жаңа Зеландия өкілі Жером Помпеллонеге қарсы шығады.
21:00-де басталатын кешкі сессияда 75 келідегі Әбілхан Аманқұл Оңтүстік Корея өкілі Ким Жинжиямен кездеседі.
