ФИФА үшінші трансферлік ауысым мерзімін белгілеу мүмкіндігін қарастыруда
Халықаралық футбол федерациясы коронавирус пандемиясына байланысты үшінші трансферлік ауысым мерзімін белгілеу мүмкіндігін қарастыруда.
ФИФА өкілі Джеймс Китчингтің айтуынша, ұлттық федерациялар тарапынан мұндай ұсыныстың түсері анық. Себебі, ФИФА COVID-19 пандемиясына байланысты үстіміздегі жылдың 1 шілдесінде трансферлік ауысымдар маусымының басталмайтындығын хабарлаған болатын.
Қазіргі уақытта ойыншылардың ауысуына жылына екі рет рұқсат етіледі:
1) чемпионат аяқталғаннан кейінгі ең көп дегенде 12 апталық жазғы трансферлер;
2) Қысқы үзіліс кезіндегі төрт апталық қысқа мерзімді трансферлік уақыт.
Естеріңізге сала кетейік, коронавирустың салдарынан барлық Еуропа елдеріндегі ішкі біріншіліктері уақытша тоқтап тұр. Футбол маусымының қашан жалғасары белгісіз.
