Л.Гумилев атындағы Еуразия ұлттық университеті спорт журналисттерін дайындауды бастайды

2020 жылдан бастап Л.Гумилев атындағы Еуразия ұлттық университеті Журналистика және саясаттану факультеті "Спорт журналистикасы" мамандығын даярлауды қолға алады.

ЕҰУ кәсіби спорт журналисін даярлайтын Қазақстандағы алғашқы жоғарғы оқу орны болмақ. Журналистика және саясаттану факультетінің деканы Қайрат Сақтың айтуы бойынша, ел спортында өзіндік орны бар Қазақстандағы спорттық ұйымдармен бірлесе жұмыс істеу жоспарда бар.

"Л.Гумилев атындағы Еуразия Ұлттық университеті спорт журналистикасын оқыту бойынша 2 жыл білім бағдарламасын дайындады. Білім бағдарламасын дайындауға журналистика және саясаттану факультетінің оқытушы-профессорлары мен әлеуметтік ғылымдар факультетіндегі спорт және дене шынықтыру кафедрасының, мәдениет және спорт министрлігі мен отандық "Qazsport" спорттық телеарнасының мамандары қатысты. Білікті мамандармен бірлесе отырып дайындалған білім жобасы Қазақстан Республикасы білім және ғылым министрлігіне ұсынылып, сарапшылар тарапынан жоғары бағаға ие болды.

Нәтижесінде, білім бағдарламасы қабылданып, "Спорт журналистикасы" мамандығы 2020 жылғы оқу маусымында студенттерге есігін ашады. 4 жылдан кейін кәсіби спорт журналистері дайын болады.

Айта кетерлігі, ЕҰУ спорт журналистін арнайымамандық ретінде енгізген еліміздегі тұңғыш жоғарғы оқу орны.

Қабылданған білім бағдарламасы бойынша студенттерге журналистика және саясаттану факультеті мен спорт және дене шынықтыру кафедрасының оқытушылары бірге сабақ береді. Факультетіміздің мамандары журналистиканың теориясымен таныстырып, тәжірибе жүзінде практикалық сабақтар өткізсе, спорт және дене шынықтыру кафедрасының ұстаздары студенттерге спорт туралы дәріс оқиды.

Бұл білім бағдарламасы бойынша болашақ спорт журналистері тек спорт журналистикасының қыр-сырын оқумен ғана шектелмей, сонымен қатар денешынықтыру мен спорттың теориясы мен практикасын, спорт түрлерін, спортшылардың өсіп-даму, қалыптасуы туралы да осы сала бойынша белгілі мамандардан төрт жыл бойы дәріс алады.

Себебі, спорт журналисті журналистік біліммен қатар, спорт саласын да жетік меңгеруі тиіс. Әр спорт түрі бойынша жеке сабақ алып, спорт саласымен тереңірек танысады.

Қазіргі таңда заман талабына сай факультетіміз салалық журналистиканы дамытуға күш салып жатыр. Қазақстанда спорт журналистикасы бар болғанымен, онда әмбебап журналистер салалық мамандардың орнын алмастыруда.

Факультетіміздің алға қойған мақсаты да нарыққа бәсекеге қабілетті кәсіби салалық маманды даярлау. Осылайша, он жылдан бері кәсіби журнаоистті дайындап келе жатқан факультетіміз кәсіби спорт журналистін даярлауды да қолға алды.

Бүгінгі бастама нәтижесінде кәсіби спорт журналистері мен спорт комментаторлары еліміздегі спорт журналистикасы саласын дамытуға өз үлесін қосады деп сенеміз", - дейді факультет деканы Қайрат Сақ.


НОК РК

Танымал жаңалықтар

Соңғы жаңалықтар

АТР маусым жалғасқан жағдайда теннисшілер рейтингінің сақталатынын мәлімдеді
Триатлоннан халықаралық дода кейінге шегерілді
«Барыс» хоккей клубының жаттығу жиыны кейінге шегерілді
«Астана» «Тур де Франс» онлайн веложарысына қатысады
Еліміздегі тұңғыш спорттық арна - «QAZSPORT» телеарнасына 7 жыл!
«QAZSPORT» телеарнасы футболдан Қазақстан Чемпионатының ойындарын толық көрсетеді
Дмитрий Попко АҚШ-тағы турнирді жеңіспен бастады
Австрия 3Х3 баскетболдан Олимпиадаға іріктеу турнирін қабылдайды
ТМД ойындарының өтетін уақыты белгіленді
Германияда футбол маусымы аяқталды
УЕФА Ұлттар Лигасының топтық кезеңінің нақты ойын кестесі жарияланды
3х3 баскетболдан Қазақстанның жазғы чемпионаты кейінге шегерілді
«Барыс» жаттығу жиынына қатысатын жастарды таныстырды
Қазақстан футбол клубтарының Еурокубок жарыстарына қатысу үшін сертификат алды
Тректегі велоспорттан Қазақстан командасы жаттығуға кірісті
«Гаухар лигасының» жарыс кестесі жарияланды
Футзалдан Чемпиондар лигасының күнтізбесі белгілі болды
Таеквондодан Қазақстан ұлттық құрамасы жаттығу жиынын бастайды
Біріккен күрес әлемі қауымдастығы қыркүйектен бастап халықаралық жарыстар өткізбек
ITF жарыстарының басталатын уақыты белгілі болды