Екі қазақстандық теннисші Римдегі турнирдің үшінші кезеңінде жолығады
Теннистен Римде өтіп жатқан турнирде екі қазақстандық спортшы өзара кездеседі.
Әлемдік турнирдің үшінші айналымында Юлия Путинцева мен Елена Рыбакина жолығады. WTA рейтингінде Рыбакина 18-і, Путинцева 30-ы орында тұр.
Айта кетелік, екінші айналымда Елена Рыбакина чехиялық Мари Боузкованы жеңсе, Юлия Путинцева әлемнің 16-ы ракеткасы, хорватиялық Петра Мартичтен басым түсті.
Premier санатындағы Римдегі теннис додасына жалпы есебі 56 теннисші қыз қатысып жатыр. Жарыстың жүлде қоры - 1 692 169 еуро.
