«QAZSPORT» телеарнасы футболдан 2022 жылғы Әлем чемпионатына іріктеу турнирінің жеребе тарту рәсімін тікелей эфирде көрсетеді

Трансляция Нұр-Сұлтан уақытымен сағат 22:55-те басталады. 

Бүгін УЕФА-ның штаб-пәтерінде еуропалық іріктеу турнирінің жеребесі өтеді. 

Қазақстан құрамасы бесінші себетте. 

1 себет — Бельгия, Франция, Англия, Португалия, Испания, Хорватия, Италия, Германия, Дания, Нидерланд;

2 себет — Швейцария, Польша, Швеция, Уэльс, Украина, Австрия, Словакия, Сербия, Турция, Румыния;

3 себет — Ресей, Ирландия, Солтүстік Ирландия, Норвегия, Венгрия, Исландия, Шотландия, Чехия, Финляндия, Греция;

4 себет — Босния және Герцеговина, Словения, Черногория, Солтүстік Македония, Болгария, Албания, Грузия, Израиль, Белоруссия, Люксембург;

5 себет — Кипр, Армения, Фарер аралдары, Эстония, Әзірбайжан, Қазақстан, Косово, Литва, Латвия, Андорра;

6 себет — Молдавия, Мальта, Лихтенштейн, Гибралтар, Сан-Марино.

Іріктеу турнирінде барлығы 10 топ болады. Бесеуінде алты командадан, бесеуінде бес құрамадан өнер көрсетеді. Топ жеңімпаздары бірден әлем чемпионатына жолдама алады. Екінші орын иегерлері Ұлттар Лигасының топтық кезеңінде үздік атанған екі құрамамен бірге плей-офф ойындарын өткізіп, қалған 3 жолдаманың тағдырын шешеді.