Бүгін Қазақстан мен Финляндия кездеседі
Минскіде өтіп жатқан шайбалы хоккейден Әлем чемпионатында Қазақстан Ұлттық құрамасы топтық кезеңіндегі соңғы ойынын өткізеді. Жоғары дивизионнан шығып қалған Ари-Пекка Селин шәкірттерінің қарсыласы – Финляндия құрамасы.
Матч Астана уақыты бойынша 19:45-те басталады. «KAZsport» телеарнасы ойынды тікелей эфирде көрсетеді.
Бүгін мұзайдынға Ұлттық құраманың капитаны Николай Антропов шықпайды. Шабуылшы Швейцария құрамасымен болған ойында тәртіп бұзғаны үшін жазаланды.
Айта кетейік, қазақстандық хоккейшілер қатарынан алты ойында жеңіске жете алмай, жоғары дивизионнан шығып қалды. Екі ұпаймен «В» тобында соңғы орында. Ал сегіз ұпай жинаған Финляндия бесінші сатыда тұр.
