Шайбалы хоккейден Ұлттық құраманың бас бапкері қызметінен босатылды
Бүгін, Астанада Қазақстанның хоккей федерациясының отырысы өтті. Жиында өткен маусымның нәтижесі қорытындыланды, деп хабарлайды федерацияның баспасөз қызметі.
Атқарушы комитет Ұлттық құраманың бас бапкері Ари-Пекка Селин мен бас менеджер Нұрлан Оразбаевтың баяндамаларын тыңдады.
Комитет мүшелері Минскіде өткен Әлем чемпионатының нәтижесіне төмен баға беріп, тренерлік штабты отставкаға жіберуге шешім қабыладады.
Оразбаев пен Селин «Барыс» хоккей клубында президент және бас бапкер қызметін жалғастырады.
Сонымен қатар, жасөспірімдер мен жастар құрамасының бас менеджері Александр Корешков пен студенттік құраманың бас менеджері Глеб Каратаев және әйелдер құрамасының жаттықтырушысы Александр Мальцевтың баяндамалары тыңдалды
Атқарушы комитет отырысының қорытындысы бойынша Ұлттық құрама қатысатын халықаралық жарыстардың саны артатын болды.
