ҚАЗАҚСТАН ҚҰРАМАСЫНА ШАҚЫРТУ АЛҒАН ФУТБОЛШЫЛАР ТІЗІМІ БЕЛГІЛІ БОЛДЫ

Қазақстан құрамасының бас бапкері Талғат Байсуфинов 7 қараша күні басталатын оқу-жаттығу жиынына 30 ойыншыны шақыртып отыр.

Қақпашылар: Стас Покатилов («Қайрат»), Мұхамеджан Сейсен («Тараз»), Игорь Шацкий («Шахтер»), Бекхан Шайзада («Ордабасы»);

Қорғаушылар: Марат Быстров («Ахмат», Ресей), Абзал Бейсебеков («Астана»), Темірлан Ерланов, Юрий Логвиненко (екеуі де – «Ақтөбе»), Сергей Малый, Александр Марочкин (екеуі де – «Тобыл»), Нұралы Әліп, Ян Вороговский (екеуі де – «Қайрат»), Ескендір Қыбырай («Шахтер»), Әлібек Қасым («Қызыл-Жар СК»), Мақсат Тәйкенов («Каспий»), Еркін Тапалов («Ақжайық»), Сағадат Тұрсынбай («Ордабасы»);

Жартылай қорғаушылар: Бақтиер Зайнутдинов (ЦСКА, Ресей), Исламбек Қуат («Астана»), Асхат Тағыберген, Азат Нұрғалиев, Самат Жарынбетов (барлығы – «Тобыл»), Георгий Жуков («Висла», Польша), Сұлтанбек Астанов («Ордабасы»), Рамазан Оразов («Ақтөбе»), Владислав Васильев («Андижан», Өзбекстан);

Шабуылшылар: Оралхан Өміртаев («Шахтер»), Артур Шушеначев («Қайрат»), Айбар Жақсылықов («Жетісу»), Рамазан Кәрімов («Каспий»).

Естеріңізге сала кетейік Қазақстан құрамасы 13 қарша күні Франция құрамасына қарсы ойнайды. Матч «Парк де Пренс» стадионында өтеді. Ал 16 қараша күні ұлтық құрамамыз «Астана Аренада» Тәжікстан командасына қарсы жолдастық матч ойнайды.