РЕСЕЙ - «Billie Jean King Cup by BNP Paribas 2021» ЖЕҢІМПАЗЫ

Ресей әелдер құрамасы теннистен «Billie Jean King Cup by BNP Paribas 2021» турнирінің жеңімпазы атанды. Финалдық сайыста ресейлік арулар Швейцария құрамасын 2:0 есебімен тіз бүктірді. Алдымен Дария Касаткина Джил Тейхманнды 6:2,6:4 есебімен жеңсе, Людмила Самсонова Олимпиада чемпионы Белинда Бенчичті 3:6, 6:3, 6:4 есебімен жеңіске жетті. Ресей сапында өнер көрсеткен: Анастасия Павлюченкова, Дария Касаткина, Екатерина Александрова, Вероника Кудерметова және Людмила Самсонова. Швейцария құрамасы сапында: Белинда Бенчич, Джил Тейхманн, Виктория Голубич және Стефани Вогель өнер көрсетті.

«Billie Jean King Cup by BNP Paribas 2021» әйелдер арасында ұйымдастырылатын турнир былтырғы жылға дейін Федерация кубогы деп аталып келген. Биылғы жылдан бастап атауын өзгерткен турнирде Ресей құрамасы 2008 жылдан бері бірінші рет топ жарып отыр. Ерлер арасында өтетін Дэвис кубогының аналогы ретінде әйелдер арасында ұйымдастырылады.