АНТОНИО РУКАВИНА СПОРТТЫҚ МАНСАБЫН АЯҚТАДЫ
«Астана» футбол клубның 37 жасар Сербиялық жартылай қорғаушысы өзінің спорттық мансабын аяқтады. «OLIMPBET - Қазақстан Кубогы» аясында «Қайратпен» болған ойын Антонионың спорттық мансабында өткізген соңғы ойыны болды. «Астана» сапында өткізген үш жыл ішінде екі мәрте ел чемпионы (2018,2019) 2020 жылы қола және биылғы маусымда күміс жүлдеге қол жеткізген. Сонымен қатар екі рет УЕФА Еуропа Лигасының қатысушысы, топтық кезең аясында Манчестер Юнайтед қақпасына жеңіс добын соққан.
Қазақстандық клуб сапында 2018 жылдан бастап өнер көрсететін сербиялық жартылай қорғаушы бұған дейін Бежания (2002-2006), Партизан (2007).ДортмундтықБоруссия (2008), Мюнхен 1860 (2009-2012) Вальядолид (2012-2014). Вильярреал (2014-2018) клубтары сапында ойнаған. Сербия ұлттық құрамасы сапында 59 ойын өткізіп, 2018 жылы Ресейде Әлем чемпионатына қатысқан.
Клубтық деңгейде барлығы 457 ойын өткізген, ресми ойындарда 7 гол соғып, 31 нәтижелі пас берген.
- Астана сапында кереметтей үш жыл өткіздім, жанкүйерлер тарапынан осыншама ыстық ықылас келеді деп күтпедім. Мен Астана футбол клубына соңғы жылдарымды өткізуге мүмкіндік бергені үшім алғыс айтуым керек. Қаңтар айында жасым 38-ге келеді. Енді отбасым жайлы ойлауым керек. Спорттық мансабымды аяқтауды жаздан бері жоспарлап жүрдім. Енді өмірімнің жаңа кезеңі басталады -, деді Антонио Рукавина спорттық мансабының аяқталуы жайлы.
Instagram: https://www.instagram.com/qazsport_official/
