АЖАР САЛЫҚОВА ЖӘНЕ ДІЛДӘШ ҚҰРЫШБАЕВА САМБОДАН ӘЛЕМ ЧЕМПИОНАТЫНЫҢ КҮМІС ЖҮЛДЕГЕРЛЕРІ
Бұл күндері Ташкент қаласында самбодан Әлем чемпионаты өз мәресіне таяды. Байрақты бәсекеде отандастарымыз жақсы өнер көрсетіп жатыр. 65 келіде өнер көрсететін бұрымды қызымыз Ажар Салықова финалға дейін сүрінбей жетіп, украиналық Юлия Хребеножкоға 0:1 есебімен есе жіберіп, Әлем Чемпионатының күміс жүлдегері атанды.
72 келі салмақ дәрежесінде өнер көрсететін тағы бір отандасымыз Ділдәш Құрышбаева да ақтық сында израильдік Алис Шлезингерге ескерту саны бойынша есе жіберді.
Қазақстан құрамасы Әлем чемпионатында екі алтын, үш күміс, алты қола жүлде еншіледі.
