Қазақстан каратэшілері қола жүлде үшін талас жүргізеді
Дубайда өтіп жатқан каратэден әлем чемпионатында төрт бірдей отандасымыз қола жүлде үшін таласады. Қыздар арасында Олимпиада ойындарының қола жүлдегері София Берульцева 68 келіге дейінгі салмақ дәрежесінде қола жүлде үшін кездесу өткізсе, 50 келіде Мөлдір Жаңбырбай әлемдік додада үздік үштікке кіруге тырысады.
Ерлер арасында 60 келіде Қайсар Алпысбай және Токио Олимпиадасының қатысушысы Нұрқанат Әжиханов 75 келі салмақта қола жүлде үшін кездесу өткізеді.
Әлем чемпионатында жеңімпаздар мен жүлдегерлер 20 қараша күні анықталады.
