Геннадий Головкин абсолютті әлем чемпионы болуы мүмкін
Орта салмақтағы IBF және IBO тұжырымдарының иесі қазақстандық Геннадий Головкин (41-1-1, 36КО) әлемнің абсолютті чемпионы болуға мүмкіндігі бар. Ол үшін 29 желтоқсан күні болатын кездесуде жапон боксшысы Риота Муратаны жеңуі тиіс. Бұл ақпарат атақты американдық бапкер Тедди Атластың «THE FIGHT with TeddyAtlas» подкастының ресми твиттер парақшасында жарияланды.
Автордың айтуынша, орта салмақтағы чемпион Геннадий Головкин (IBF және IBO) - Риота Мурата (WBA Super), Джермал Чарло (WBC) - Деметриус Андраде (WBO) жұптарының жеңімпаздары абсолютті чемпион атағына кездесу өткізулері мүмкін.
«Чарло - Андраде кездесуінің жеңімпазы Головкин - Мурата жекпе-жегінің жеңімпазына қарсы. Бұл 2005 жылдан бері 160 фунт (72,5кг) салмақ дәрежесінде сөзсіз абсолют чемпион болуға апаратын жол. Тағы да... бұл бокс»- деп Тедди Атлас болжам жасады.
