Эльхан Астанов - маусымның үздік жас ойыншысы
Қазақстанның кәсіпқой футбол лигасы өткен маусымды қортындылау барысында, Қазақстан біріншілігінде өнер көрсеткен ең үздік жас ойыншыны анықтады. Ол «Ордабасы» және Қазақстан жастар құрамасының ойыншысы 21 жасар Эльхан Астанов.
Бұл жүлдеге 2021 жылғы маусымнан бастап, атақты қазақстандық футбол маманы, КСРО біріншілігінде хет трик жасау жылдамдығы бойынша үздік нәтиже иесі, Анатолий Михайлович Ионкиннің есімі берілді.
Осы маусымда 21 жасар шымкенттік ойыншы Франциямен болған ойында ұлттық құрама үшін дебюттік ойынын өткізіп, «Ордабасы» сапында 30 ойында 2 гол соққан және 5 нәтижелі пас берген. Сонымен қатар Астанов Қазақстан жастар құрамасы сапында 5 ойын өткізген.
