Ресей құрамасы - Дэвис кубогының жеңімпазы
Халықаралық жарыстарда Ресей теннис федерациясының атынан шығып жүрген Ресей құрамасы Дэвис кубогының жеңімпазы атанды.Ақтық кездесуде Хорватия құрамасын 2:0 есебімен тізе бүкітіріп, өз тарихында үшінші мәрте Дэвис кубогының жеңімпазы атанды. Бұған дейін 2002 және 2006 жылдары командалық турнирде жеңімпаз атанған болатын.
Айта кетейік, Хорватия құрамасы өз тарихында финалда екінші мәрте жеңіліс тапты. Осыған дейін 2016 жылы Аргентина құрамасына жол берген еді. Шақпақты елдің өкілдері Дэвис кубогының екі дүркін жеңімпаздары 2005 және 2018 жылдары жеңімпаз атанған болатын. Ресей құрамасы Дэвис кубогының финалында 1994,1995 және 2007 жылдары жеңілген.
Мадридтің орталық кортына алдымен әлемнің бесінші ракеткасы Андрей Рублев және Борна Гойя шығып, ресей өкілі екі сет қортындысы бойынша 6:4, 7:6 есебімен басым түсіп, Ресей құрамасы есепте алға шықты. Екінші ойын Даниил Медведев пен Марин Чилич арасында өтті. Бірінші сетте хорватиялық теннисші қарсылық көрсеткенімен, екінші сет әлемнің екінші ракеткасының басымдығымен өтті. Қорытынды есеп:7:6, 6:2. Даниил Медведев Ресей құрамасына үшінші Дэвис кубогын алып берді.
Енді Ресей және Хорватия келесі жылғы Дэвис кубогының финалдық кезеңіне тікелей жолдама алса, Сербия құрамасымен бірқатарда Ұлыбритания құрамасы wild card жүйесі бойынша жолдама алып отыр. Ал қалған құрамалар іріктеу ойындарының нәтижесі бойынша анықталады. Іріктеу ойындары 2022 жылдың 4-5 наурызында өтетін болады. Осы жылы Дэвис кубогынде ширек финалға дейін жеткен Қазақстан құрамасы әлемнің сегізінші ракеткасы Каспер Рууд бастаған Норвегия құрамасына қарсы ойнайды. Қалған іріктеу ойындарының нәтижелері төмендегідей:
