Қазақстандық дзюдошылардың әлемдік рейтингтегі орыны белгілі болды
Халықаралық дзюдо федерациясы 2021 жылдың қорытынды рейтингін шығарды. Қазақстандық дзюдошлар арасынан үш спортшы әлемдік рейтингте үздік ондыққа енді.
60 келі салмақ дәрежесінде Токио Олимпиадасының қола жүлдегері Елдос Сметов 10-шы орында, ал Ғұсман Қырғызбаев 9-шы орын.
66 келіде Ерлан Серікжанов Әлемдік рейтингте 22-ші орынға жайғасты.
73 келіде Жансай Смағұлов отандық дзюдошылар арасынан ең жоғары тұр. Жансай 8-ші орынға тұрақтады.
81 келіде өнер көрсететін Дидар Хамза 32-орында болса, 90 келіде Ислам Бозбаев 18-ші орында тұр. Ауыр салмақтағы Ерасыл Қажыбаев Әлемдік рейтингте 33-ші орынға табан тіреді.
Айта кетейік, келесі маусымнан бастап, ұлттық құрамадағы дзюдошылар өз салмақтарын ауыстырады. Елдос Сметов пен Ғұсман Қырғызбаев 66 келіге ауысса, Ерлан Серікжанов 73 келіде бақ сынайтын болады.
