Қазақстан құрамасы Украинамен жолдастық кездесу өткізбейді
Қазақстан құрамасы ел астанасы Нұр-Сұлтан қаласында алдағы Еуропа чемпионатына дайындық жұмысын өткізіп жатыр. Негізгі жоспар бойынша ұлттық құрама Алматы-Киев-Амстердам бағыты бойынша ұшуы керек еді. Алайда Алматының әуежайы жабылып қалуына байланысты елордадан ұшуды көздеп отыр. Жарақатынан жазылған Лео негізгі құрам ойыншыларымен бірге жаттығып жүргені белгілі болды, жарақат алған Дәурен Тұрсағұлов негізгі топтан бөлек жеке жаттығу жұмысын жалғастырып жатыр. Сонымен қатар ұлттық құрамаға Дуглас, Игита және Тайнан Бразилиядан келе алмай жатыр. Соңғы ақпаратқа сүйенсек, олар Нидерландыға ұшып келуі мүмкін.
Футзалдан Еуропа чемпионаты 19 қаңтардан 6 ақпан аралығына дейін жалғасады. Қазақстан құрамасы В тобында Италия, Словения және Финляндия құрамаларына қарсы ойнайды.
