Қазақстандық қос теннисші «Australian Open» турнирінің негізгі кезеңіне жолдама алды
«Australian Open» турнирінде үш бірдей отандасымыз өнер көрсетеді. Михаил Кукушкин және Тимофей Скатов іріктеу кезеңінен сәтті өтті. Михаил іріктеу кезеңінің финалында әлемнің 141 номерлі ракеткасы Эрнесто Эскобедоны 2 сағат 56 минутта 6:4, 5:7, 7:5 есебімен тізе бүктірді. 
Іріктеу кезеңінің финалдық сынында тағы бір отандасымыз 20 жасар Тимофей Скатов португалиялық Гаштау Элиашты екі сеттің қорытындысы 6:4,7:6 есебімен жеңіп, алғаш рет Үлкен Дуылға турнирінің негізгі кезеңіне жолдама алды.
Финалда өнер көрсеткен үшінші отандасымыз негізгі кезеңге шыға алмады. Дмитрий Попко чехиялық Иржи Лехечкамен болған ойында үш сетте 6:4,3:6, 3:6 есебімен жеңіліп, жарыс жолын аяқтады.
