Рафаэль Надаль - «Australian Open» жеңімпазы

Испаниялық теннисші ақтық кездесуде әлемнің екінші ракеткасы Даниил Медведевті тартысты өткен ойында бес сеттің қорытындысы бойынша 2:6, 6:7, 6:4, 6:4, 7:5 есебімен тізе бүктіріп, спорттық мансабында 21-ші мәрте «Үлкен Дуылға» турнирінде жеңіске жетті. Финалдық ойын 5 сағат 24 минутқа созылды. Рафаэль мұндай жетістікке жеткен әлемдегі жалғыз теннисші. Испаниялықтың ізін қуып келе жатқан Роджер Федерер мен Новак Джокович 20 рет «Үлкен Дуылға» турнирінде жеңіске жеткен. Осы жеңісінің арқасында Надаль 2000 рейтингтік ұпай жинап, әлемдік рейтингте 5-ші орынға көтерілді. Даниил Медведев 2-ші орынын сақтап қалды. Ал рейтинг көшбасшысы Новак Джокович. Қазақстандық Аександр Бублик 2 саты жоғарылап, 35 орында келеді.

ATP рейтингі 31.01.2022 

1. Новак Джокович (Сербия) - 11015

2. Даниил Медведев (Ресей) - 10125

3. Алекспндр Зверев (Германия) - 7780

4. Стефанос Циципас (Грекия) - 7170

5. Рафаэль Надаль (Испания) - 6875

35. Александр Бублик (Қазақстан) - 1433

166. Михаил Кукшкин (Қазақстан) - 397

Әйелдер арасындағы аустралиялық Эшли Барти жеңіске жетті.Финалдық кездесуде Даниэль Роуз Коллинсті екі сетте 6:3, 7:6 есебімен тізе бүктіріп, үшінші «Үлкен Дуылға» турнирінде жеңіске жетті. Осыған дейін әлемнің бірінші ракеткасы «Роллан Гаррос-2019» (Франция) және «Уимблдон-2021» (Ұлыбритания) жарысында топ жарған. Сонымен қатар Барти «Australian Open» турнирін 44 жылдан кейін жеңген алғашқы аустралиялық теннисші. Осы жеңістің арқасында Эшли бірінші орынын сақтап қалды. оның еншісінде 8331 ұпай бар. Қазақстанның бірінші ракеткасы Елена Рыбакина 12-ші орынын сақтап қалды. Юлия Путинцева 42-ші орында келеді.

WTA рейтингі 31.01.2022

1. Эшли Барти (Аустралия) - 8331

2. Арина Соболенко (Беларусь) - 5698

3. Барбора Крейчикова (Чехия) - 5533

4. Ига Швентек (Польша) - 4456

5. Каролина Плишкова (Чехия) - 4452

12. Елена Рыбакина (Қазақстан) - 2705

42. Юлия Путинцева (Қазақстан) - 1280