Шаңғы жарысынан әйелдер арасындағы классикалық стильде 10 шақырымға созылған жарыс аяқталды
Қысқы Олимпиада ойындарында шаңғы жарысынан әйелдер арасындағы классикалық стильде 10 шақырымға созылған жарыс аяқталды.
Бұл қашықтықта жарыс жолына шыққан спортшыларымыз: Ангелина Шурыга 52-орын, Ксения Шалыгина 53-орын, Надежда Степашкина 57-орын, Валерия Тюленева 59-орыннан көрінді.
Енді отандастарымыз 12 ақпан күні командалық эстафетада бақ сынайды. Тікелей трансляция Нұр-Сұлтан уақытымен сағат 13:20-да «Qazsport» телеарнасында көрсетіледі.
Аталған қашықтықта норвегиялық Тереза Йохауг Олимпиада чемпионы атанып, Бейжіңдегі екінші алтын жүлдесіне қол жеткізді. Мұның алдында Тереза скиатлон жарысында топ жарған болатын. 10 шақырымдық жарыста күміс және қола жүлде финляндиялық спортшылардың еншісінде. Күміс жүлде Керту Нисконненнің еншісінде болса, қола медальді Криста Пармакоски жеңіп алды.
