Гагарин кубогының алғашқы кезеңінде «Барыс» жеңіске жетті
Гагарин кубогының алғашқы кезеңінде кездескен «Металлург» МГ және елордалық «Барыс» арасындағы ойын 3:2 есебімен қонақтар пайдасына аяқталды. Ойын Магнитогорск қаласында өтті. Екі команда арасындағы серияда есеп 0:1.
Қақпашылар: Олкинуора («Металлург») - Ортио («Барыс»)
«Металлург» МГ - «Барыс» 2:3
02:44. Томаш Юрчо (0:1)
00:52. Якоб Лилья (0:2)
07:56. Линус Виддель (1:2)
09:40. Томаш Юрчо (1:3)
12:21. Николай Голдобин (2:3)
Ойынның үздік ойыншысы Йонни Ортио атанды. Қонақ команданың қақпашысы 38 сейв жасап, елордалықтардың жеңісіне үлесін қосты. Енді «Барыс» 3 наурыз күні Илья Воробьев шәкірттеріне қарсы сырт алаңдағы екінші ойынын өткізеді. 5 және 7 наурызда серия Нұр-Сұлтан қаласында өтеді.
Құрлықтық хоккей лигасындағы плей-офф кезеңіндегі басқа ойындар нәтижесі:
«ЦСКА» (Мәскеу) - «Локомотив» (Мәскеу) 4:3ОТ (сериядағы есеп 1:0)
«Трактор» (Челябинск) - «Нефтехимик» (Нижнекамск) 4:3 (сериядағы есеп 1:0)
