Заңғар Нұрланұлы Tennis Europe ұйымының рейтингінде көш бастады

Tennis Europe ұйымы Junior Masters турниріне қатысатын спортшылардың рейтингін жариялады. Жас теннисшілердің Халықаралық додасы 2022 жылдың күзінде Монте-Карлода өтеді. 14 жастағы қазақстандық теннисші Заңғар Нұрланұлы Tennis Europe рейтингінде 445 ұпаймен көш бастап тұр. Осымен үшінші ай қатарынан қазақстандық жас теннис жұлдызы 14 жасқа дейінгі спортшылардың рейтингінде ешкімге дес берер емес.

Ақпан айының соңында Заңғар Нұрланұлы Франция астанасы – Парижде өткен беделді турнирдің жеңімпазы атанған болатын. Жеңіс тұғырына көтерілу үшін жас теннисші Аустрия, Ресей мен Францияның үздік ойыншыларын жеңгенін еске сала кетейік.

Сондай-ақ, әлемнің үздік топ-150 теннисшісінің қатарына енген тағы екі отандасымыз бар. Олар – 33-орында тұрған Дамир Жалғасбай мен 111-орындағы Даниэль Тазабеков.