Хосеп Гвардиола Чемпиондар Лигасында жаңа рекорд орнатты
«Манчестер Сити» футбол клубының бас бапкері Хосеп Гвардиола Чемпиондар Лигасының жартылай финалдық кезеңіне тоғызыншы мәрте шыққан алғашқы бапкер атанды. Осыған дейін 51 жасар испаниялық маман «Барселона» және «Бавария» командаларын жаттықтырған. Сонымен қатар «Манчестер Сити» өз тарихында үшінші рет (екі жыл қатарынан) жартылай финалға жолдама алып отыр. Былтырғы маусымда Гвардиоланың командасы финалдық ойында лондондық «Челсиге» жеңілген еді.
Чемпиондар Лигасының 1/4 финалында «қалалықтар» мадридтік «Атлетиконы» екі ойынның қорытындысы бойынша тізе бүктірген болатын. Ширек финалдық ойындар шолуын qazsporttv телеграм арнасынан көре аласыздар.
26 сәуір, «Энфилд»
«Ливерпуль» (Англия) - «Вильярреал» (Испания)
3 мамыр, «Керамика»
«Вильярреал» (Испания) - «Ливерпуль» (Англия)
27 сәуір, «Эттихад», «Манчестер Сити» (Англия) - «Реал Мадрид» (Испания)
4 мамыр, Сантьяго Бернабеу», «Реал Мадрид» (Испания) - «Манчестер Сити» (Англия)
Финал 28 мамыр күні Париж қаласында жоспарланған.
