Жайна Шекербекова және Карина Ибрагимова Әлем Чемпионатының екінші кезеңіне шықты

Түркияда өтіп жатқан әйелдер арасындағы Әлем Чемпионатында Қазақстан құрамасының екі боксшысы жарыс жолын аяқтады. 63 келі салмақта Аида Әбікеева Алжир спортшысы Емани Xелифке 0:5 есебімен жеңілсе, 75 келіде бақ сынаған Надежда Рябец ринг қожайыны Исильдар Бусраға есе жіберіп, жарысты 1/32 финалдан аяқтады.

52 және 57 келі салмақта ел намысын қорғаған Жайна Шекербекова мен Карина Ибрагимова Әлем Чемпионатындағы алғашқы жекпе-жегін сәтті бастап, екінші айналымға жолдама алды.

Жайна алғашқы жекпе-жегінде Пуэрто-Рико өкілі Мелоди Варгасты 5:0 есебімен жеңіп, келесі айналымға жолдама алды. 

Спортшымыздың екіншы айналымдағы қарсыласы жапониялық Ринка Киношита.

Карина болса, 1/32 финалда румыниялық Клаудиа Нечитаны еш қиындықсыз 5:0 есебімен жеңіп, Әлем Чемпионатының екінші айналымына шықты. Карина келесі кезеңде испаниялық Дженнифер Фернандеспен кездеседі.

Ертең жарыс жолына төрт боксшымыз шығады. 

Күгдізгі сессия 15:55

50 келі. 2 жұп. А рингі

Назым Қызайбай (Қазақстан) - Лорена Виктория (Колумбия)

54 келі. 6-жұп. В рингі

Дина Жоламан (Қазақстан) - Мария Мадуэна (Испания)

60 келі 8-жұп В рингі

Римма Волосенко (Қазақстан) - Шона Уайтуэлл (Англия)

Кешкі сессия 20:55

66 келі. 12-жұп. А рингі

Дариға Шакимова (Қазақстан) - Навбаxор Xамидова (Өзбекстан)