Валентина Хальзова Әлем Чемпионатының ширек финалына жолдама алды

Стамбул қаласында Әлем Чемпионаты жалғасып жатыр. Бүгінгі жарыс күнінде 70 келі салмақ дәрежесінде өнер көрсеткен Валентина Хальзова қазақстандық боксшылардан бірінші болып, ширек финалға жолдама алды.

1/8 финалда спортшымыз Оңтүстік Корея өкілі Суд Джин Сеонды айқын басымдықпен жеңді, Енді Валентина жартылай финалға берілер жолдаманы австралиялық Кэй Френсис Скоттпен сарапқа салатын болады.

Кешкі сессияда өнер көрсеткен тағы бір спортшымыз ширек финал жолдамасына ие болды. Өзінің дебюттік Әлем Чемпионатын өткізіп жатқан 81 келідегі Гүлсая Ержан украиналық Олеся Крысюкті 4:1 есебімен жеңді. 

+81 келіде өнер көрсеткен Әлем Чемпионы Ляззат Күнгейбаева ринг қожайыны Шеннур Демирге 0:5 есебімен жеңіліп, жарыс жолын аяқтады. Осылайша Қазақстан құрамасы сапынан 6 боксшы жарыстан шығып, 6 боксшымыз жарыс жолын жалғастыру үстінде.

Ертеңгі жетінші жарыс күнінде екі қазақстандық спортшы Әлем біріншілігінің ширек финалдық жолдамасын сарапқа салады.

52 келі. А рингі. 2-ші жұп.

Жайна Шекербекова (Қазақстан) - Ринка Киношита (Жапония)

54 келі А рингі 8-ші жұп

Дина Жоламан (Қазақстан) - Скарлетт Дельгадо (Канада)