Алуа Балқыбекова мен Карина Ибрагимова Әлем Чемпионатының 1/4 финалында
Бокстан Стамбул қаласында өтіп жатқан Әлем Чемпионатында 48 келі салмақ дәрежесінде Алуа Балқыбекова 1/4 финалға жолдама алды. Алуа сербиялық Снежана Силжковичті 5:0 есебімен сенімді түрде жеңді.
57 келіде бақ сынаған тағы бір отандасымыз Карина Ибрагимова испаниялық қарсыласын айқын басымдықпен (5:0) жеңіп Әлем біріншілігінің ширек финалының қатысушысы атанды.
Осылайша екінші айналымда сынға түскен 4 спортшымыздың төртеуі ширек финалда жұдырықтасады. Осыған дейін 81 келіде Гүлсая Ержан және 70 келіде Валентина Xальзова ширек финалға шыққан болатын.
Ертеңгі жарыс күні тағы екі отандасымыз ширек финал жолдамасы үшін сынға түсетін болады.
52 келі. А рингі. 2-ші жұп.
Жайна Шекербекова (Қазақстан) - Ринка Киношита (Жапония)
54 келі А рингі 8-ші жұп
Дина Жоламан (Қазақстан) - Скарлетт Дельгадо (Канада)
