Қазақстандық теннисшілердің қарсыластары белгілі болды

22 мамырдан бастап теннис маусымының екінші «Grand Slam» турнирі Париж қаласында басталады. Грунт төсенішінде өтетін «Rolan Garros» жарысына қатысатын қазақстандықтардың қарсыластары белгілі болды.

Ерлер арасында Александр Бублик алғашқы айналымда әлемнің 61-ракеткасы Артур Риднеркехпен (Франция) кездеседі.

Әйелдер арасында қазақстанның бірінші ракеткасы Елена Рыбакинаның алғашқы айналымдағы қарсыласы Аранча Рус (Нидерланд) болса, Юлия Путинцева іріктеу кезеңінің жеңімпазымен жолығады.

2022 жылғы «Rolan Garros» турнирінің жалпы жүлде қоры 43,6 млн еуроны құрайды. Сонымен қатар әр айналым сайын спортшының алатын қаржысы өсе береді.

Жекелей сын:

1-ші айналым – €62 000;

2-ші айналым – €86 000;

3-ші айналым – €125 800;

4-ші айналым – €220 000;

1/4 финал – €380 000;

1/2 финал – €600 000;

Финал – €1 100 000;

Жарыс жеңімпазы – €2 200 000.