Ярослава Шведова «Ladies Invitational Doubles» турниріне қатысады
Теннистен Қазақстан әйелдер құрамасының капитаны Ярослава Шведова американдық теннисші Ваня Кингпен бірге «Уимблдон» турнирінің аясында өтетін «Ladies Invitational Doubles» жарысына қатысады.
«Жарысқа шақырту алғаныма қуаныштымын, енді жаттығуға кірісу қажет», - деп Шведова өз ойын білдірді.
Бұл турнирге спорттық мансабын аяқтаған теннисшілер қатысады. Ярослава Шведова және Ваня Кинг жұптық сында 2010 жылы «Уимблдон» жеңімпазы атанған болатын.
