Юрген Клопп премьер-лига маусымының үздік бапкері атанды
«Ливерпуль» футбол клубының бас бапкері Юрген Клопп Ағылшын премьер-лигасында маусымның үздік бапкері атанды.
54 жасар неміс маманы аталған жүлдені өз мансабында екінші мәрте жеңді. Алғаш рет 2020 жылы алған болатын. Англияда бұл жүлдені бір реттен артық сэр Алекс Фергюссон (11 рет), Арсен Венгер, Хосеп Гвардиола және Жозе Моуриньо (3 рет) жеңген.
2021-2022 жылғы маусымда Клопптың командасы АПЛ-дің күміс жүлдегері атанған болатын.
