Финляндия құрамасы 2022 жылғы Әлем Чемпионы атанды
Финляндия өз елінде өткен Әлем біріншілігінің жеңімпазы атанды. Финалдық ойында суоми құрамасы Канаданы овер таймда 4:3 есебімен жеңіп, 4 дүркін (1995, 2011, 2019, 2022) Әлем Чемпионы атанды. 2022 жылғы Олимпиада ойындарының жеңімпазы қатарынан үшінші рет Әлем Чемпионатының финалында үйеңкі жапырақты елдің өкілдерімен кездесіп отыр. 2021 жылғы жаһандық додада Канада жеңімпаз атанған еді. Юкка Ялонен шәкірттері 2006 жылғы Швеция құрамасының жетістігін қайталап, Олимпиада ойындарымен Әлем Чемпионатын бір жылдың ішінде бағындырған екінші ұжым атанды.
Әлем Чемпионатының қола жүлдесін Чехия Кари Ялонен шәкірттері АҚШ құрамасын тартысты өткен ойында 8:4 есебімен жеңіп, 2012 жылдан кейін алғаш рет жүлдегерлер қатарынан көрінді. АҚШ құрамасы болса Әлем Чемпионаттарының финалына 1996 жылдан бері шыға алмай келеді.
Сонымен қатар, Финляндадағы Әлем біріншілігі аяқталған соң 2023 жылғы элиталық дивизионында ойнайтын командалар екі топқа бөлінді.
Әлем Чемпионаты 12-28 мамыр аралығында Рига (Латвия) және Тампере (Финляндия) қалаларында өтеді.
А тобы: (Тампере)
Финляндия, Чехия, Германия, Дания, Франция, Аустрия және Венгрия.
В тобы: (Рига)
Канада, АҚШ, Швейцария, Словакия, Латвия, Норвегия, Қазақстан, Словения
