Жансая Әбдумәлік шахматтан Бундеслига Чемпионы атанды.
Бұл туралы Жансая өзінің әлеуметтік желідегі парақшасында мәлімдеді.
«OSG Baden-Baden» командасы 2018 жылдан кейін алғаш рет Германия біріншілігінде топ жарды. Неміс бундеслигасының 9 туры аясында «SK Schwäbisch Hall» ұжымымен өткен ойында Жансаяның командасы 3,5:2,5 есебімен жеңді.
Сонымен қатар, «SK Schwäbisch Hall» командасында тағы бір қазақстандық шахматшы Динара Сәдуақасова өнер көрсетіп, екінші орынға қол жеткізді.
