Нұр-Сұлтан қаласында «Нalf Marathon» жарысы өтеді.
19 маусым күні Нұр-Сұлтан қаласында жүгіруден 21 шақырымға «Нalf Marathon» жарысы өтеді.
Шараға елордамыздағы салауатты өмір салтын ұстанып жүрген барша азаматтар мен азаматшалар қатыса алады. Айтулы шара елімізде 29-шы рет аталып өтілетін Олимпиада күні қарсаңында болып отыр.
Марафонның қатысушылары қаланың: Хан Шатыр, Бәйтерек монументі, Ботаникалық саябақ және тағы басқа көрікті жерлері арқылы жүгіріп өтеді.
Жарыс 21,10 және 10 шақырымдық скандинавиялық жүру әдісі бойынша жоспарланған. Әлемнің 24 елінен келген 4000-нан астам спортшы жарыс жолына шығады деп күтілуде.
Нұр-сұлтан қаласында ұйымдастырылатын «Нalf Marathon» бәсекесін «Qazsport» телеарнасының тікелей эфирінен 08:00-де көре аласыздар!
