Қасым-Жомарт Тоқаев шахматтан Қазақстан әйелдер құрамасының мүшелерімен кездесті
Қасым-Жомарт Тоқаев шахматтан Қазақстан әйелдер құрамасының мүшелерімен және шахмат федерациясының өкілдерімен кездесті.
Ақордаға Президентпен кездесуге әлем чемпиондары мен халықаралық гроссмейстерлер – Жансая Әбдімәлік, Динара Сәдуақасова, Бибісара Асаубаева шақырылды, сонымен қатар Қазақстан шахмат федерациясының президенті Ғалым Құсайынов пен вице-президент Дәрмен Сәдуақасов шақырылды.
Әңгімелесу және пікір алмасу форматында өткен кездесуде ұлттық құрама көшбасшылары – Динара Сәдуақасова, Жансая Әбдімәлік, Бибісара Асаубаева мен Қазақстан шахмат федерациясының басшылығы еліміздегі шахмат спортының дамуы жайлы өз ойларын білдірді.
Президент шахмат саласын дамытуға бұдан былай да қолдау көрсететінін атап өтіп, жас спортшыларға халықаралық аренада табыс тіледі.
Кездесу соңында Динара Сәдуақасова өзінің «Шахмат ойнап үйренейік» атты кітабын Қасым-Жомарт Тоқаевқа сыйға тартты.
