Нұр-Сұлтанда дзюдодан Азия Чемпионаты басталды

Нұр-Сұлтан қаласында дзюдодан Азия Чемпионаты басталды. Жарыстың алғашқы күні Қазақстан құрамасының қоржынына 3 жүлде түсті.

48 келі салмақ дәрежесінде сынға түскен спортшымыз финалда жапондық Кога Ваканаға жеңіліп, жарыстың күміс жүлдегері атанды.

1. Кога Вакана (Жапония)

2. Абиба Абужақынова (Қазақстан)

3. Ганбаатар Наранцетсег (Моңғолия)

3. Ли Хек Он (Оңтүстік Корея)

60 келі салмақта белдескен Мағжан Шамшиддин моңғолиялық Ариунболд Енхтайванды ауырту әдісі арқылы жеңіп, жарыстың қола жүлдегері атанды.

1. Рюдзю Нагаяма (Жапония)

2. Ким Вон Джин (Оңтүстік Корея)

3. Янг Юнг Вэй (Тайпэй)

3. Мағжан Шамшиддин (Қазақстан)

66 келі салмақта жарыс жолына шыққан Ғұсман Қырғызбаев қарсыласының жарақат алуына байланысты сары құрлық біріншілігінің қола жүлдесін еншіледі.

1. Басхуу Йондонперенлей (Моңғолия)

2. Риома Танака (Жапония)

3. Мухриддин Тиловов (Өзбекстан)

3. Ғұсман Қырғызбаев (Қазақстан)

Ертең Азия Чемпионатының екінші жарыс күнінде татамиге әйелдер 63, 70 келіде, ерлер 73, 81 келіде шығып, өзара мықтыны анықтайды. Қазақстан құрамасы атынан жарыс жолына шығатын спортшылар:

Әйелдер

63 келі: Мөлдір Нарынова

70 келі: Анастасия Маякова

Ерлер

73 келі: Ерлан Серікжанов, Данияр Шамшаев