Ресми: V Дүниежүзілік Көшпенділер ойыны Қазақстанда өтеді
Таяуда ғана мемлекет басшысының тікелей тапсырмасымен Мәдениет және спорт министрлігі делегациясы IV Дүниежүзілік көшпенділер ойындарына қатысып, бірқатар мәселелерді шешу үшін Түркияға арнайы барып келді. Ондағы басты мәселе – Қазақстанда V Ойындарды өткізу жөніндегі көліссөз еді. Көліссөздер оң нәтиже беріп, Түркияның Жастар және спорт министрі Мехмет Касапоглу аталмыш іс-шараның эстафетасын елімізге табыстады.
Ресми түрде, 2024 жылғы 5-ші Дүниежүзілік көшпенділер ойыны елімізде өтеді.
Бұл қуанышты жаңалықпен ҚР Мәдениет және спорт министрі Дәурен Абаев өз Facebook парақшасында бөлісті.
