«Astana Open» АТР 500 жарысының үшінші күнінің қорытындысы
Елорда төрінде «Astana Open» турнирі жалғасуда. Бүгінгі үшінші жарыс күнінде «Beeline Arena» кортына таңғы сессияда әлемнің 9-шы ракеткасы Андрей Рублев, турнирдің басты сенсациясы қытайлық Чжичжэнь Чжанмен кездесіп, 6:3, 6:2 есебімен жеңіске жетті.
Андрей спортшылар арасынан алғаш болып, ширек финалға жолдама алды. 1/4 финалда Андрей француз Адриен Маннариномен жолығады. Бұл ойын 7-ші қазанға жоспарланған. Сонымен қатар, ширек финалға Роберто Баутиста-Агут жолдама алды.
Күндізгі сессиядағы ойындар:
Марин Чилич (Хорватия) - Оскар Отте (Германия) 2:1 (5:7, 7:6 (4), 6:2)
Марк-Андреа Хуслер (Швейцария) - Эмил Руусувуори (Финляндия) 0:2 (0:6, 2:6)
Давид Гоффен (Бельгия) - Адриен Маннарино (Франция) 1:2 (6:3, 1:6, 5:7)
Роберто Баутиста-Агут (Испания) - Павел Котов (Ресей) 2:0 (6:1, 7:6 (5)
Үшінші жарыс күнінің басты кездесуі Новак Джокович пен Кристиан Гарин арасында болып, серб теннисшісі екі сетте, 6:1, 6:1 есебімен жеңіске жетті.
Ертеңгі төртінші ойын күнінде жарыс жолына Александр Бублик шығады. Әлемнің 43-ші ракеткасы поляк Хуберт Хуракачпен (#10) кездеседі.