Қазақстандықтар үстел теннисінен Әлем Чемпионатына екі жолдама жеңіп алды
Катарда 2023 жылғы үстел теннисінен Әлем чемпионатына Азиялық іріктеу жарысы өтіп жатыр.
Турнир нәтижесінде жұптық сында өнер көрсеткен Алан Құрманғалиев пен Кирилл Герасименко және Айдос Кенжеғұлов пен Зәуреш Ақашева жаһандық додаға жолдама алды.
Кирилл Герасименко/Алан Құрманғалиев (Қазақстан) - Нима Аламиян/Ношад Аламиян (Иран Ислам Республикасы) 4:0
Айдос Кенжеғұлов/Зауреш Ақашева - Шарат Ачанта/Среа Акула (Үндістан) 4:3
Сонымен қатар, Кирилл Герасименко жекелей сында Кларенс Чжэ Ю-ді (Сингапур) 4:1 есебімен жеңіп, Әлем біріншілігіне жолдама ұтып алды.
Айта кетейік, ITTF (Халықаралық үстел теннисі федерациясы) шешімі бойынша Әлем Чемпионаты 20-28 мамыр аралығында Дурбан (Оңтүстік Африка Республикасы) қаласында өтеді
