Михайло Мудрик ресми түрде «Челси» ойыншысы атанды
Лондондық «Челси» 20 турдағы «Кристал Пэлас» командасымен болған дерби ойынының алдында украиналық Михайло Мудрикті ресми түрде таныстырды
Украина құрамасының ойыншысы үшін «Челси» донецкілік «Шахтерге» 100млн еуро көлемінде қаражат төлейді. Осыған дейін ойыншыға тағы бір лондондық «Арсеналдың» тарапынан қызығушылық болған. Дегенмен инсайдер Фабрицио Романоның хабарлауынша, Мудрикке Грэм Поттердің өзі хабарласып, ойыншыны «ақсүйектер» қатарына ауысуға көндірген.
Михайло лондондық командамен 2031 жылға дейін келісімшартқа қол қойды. Кейбір ақпараттар бойынша Мудрик жылына 7,5млн еуро жалақы алуы тиіс.
Осылайша Михайло трансфер барысында ауысым жасаған ең қымбат украиналық ойыншы атанды. Осыған дейін, ең қымбат ойыншы Андрей Шевченко болған. 2006 жылы «Милан» Андрейді «Челсиге» 44млн еуроға сатқан.
